‘थौंकन्हे’या ६९ दँ बुन्हि हन

येँ-  नेपालभाषाया लय्पौ ‘थौंकन्हे’ ६९ दँ क्यंगु लसताय् जूगु ज्याझ्वलय् थीथी व्यक्तिपिंत सम्मान याःगु दु । कमलादीस्थित प्रज्ञा भवनय् जूगु ज्याझ्वलय् भाषासेवी व ग्वाहालिमिपिंत सम्मान याःगु खः । येँ महानगरपालिकाया प्रमुख विद्यासुन्दर शाक्य मूपाहांकथं झायादीगु ज्याझ्वलय् वय्कलं थौंकन्हे लय्पौपाखें नीस्वनातःगु ‘प्रयागमान लुमन्ति नेपालभाषा सिरपाः’ समालोचक पूर्ण ताम्राकार व रेवतीरमानन्द स्यस्यःया लुमन्तिइ नीस्वनातःगु नेपालभाषा सिरपाः कवि पुष्परत्न ताम्राकारयात लःल्हानादिल । वय्कःपिं निम्हेसितं म्हतिं झिद्वः तका दां सिरपाःया दाता लुमिन श्रेष्ठं लःल्हानादिल ।

अथे हे पत्रिकायात थीथीकथं ग्वाहालि यानादीपिं पत्रिकाया संरक्षक दीपंकरमुनि ताम्राकार, समाजसेवी मोतिलाल शिल्पकार व ग्वाहालिमि सुरेन्द्रभक्त श्रेष्ठयात हनापौ लःल्हाःगु खः ।
उगु हे ज्याझ्वलय् थौंकन्हय् पत्रिकाया सम्पादक व प्रकाशक रुक्मिणी श्रेष्ठं च्वयादीगु ‘नसात्वँसा वासः नं खः’ नांया सपूm मूपाहां प्रमुख शाक्य व समाजसेवी पंचवीरसिं तुलाधरं विमोचन यानादीगु खः ।

सम्बन्धित बुखँ

LEAVE YOUR COMMENTS