२३ गते बुंगद्यः सालीगु

नेपालभाषा टाइम्स

यल-थौंकन्हय् थनया थति त्वालय् तयातःम्ह बुंगद्यःया रथ थ्वहे वइगु जेठ २३ गते विहीवाः सालीगु जूगु दु ।
म्हिगः मंगःया ऐतिहासिक सोह्रखुट्टे पाटीइ यलया थीथी ज्योतिषपिं च्वनाः सहलह यासें थ्व साइत पिकाःगु खः । मंगलय् च्वंगु थ्व पाटी विशेष यानाः थ्वहे साइत स्वयेगु ज्याया लागिं प्रयोग

वकुन्हु बुंगद्यःया रथ थति त्वालं सालाः जावलाख्यलय् याः न्यायेकी । यदि वकुन्हु हे याः न्यात धाःसा प्यन्हु लिपा भोटो क्यनीगु परम्परा कथं जेठ २६ गते भोटो क्यनीगु जात्रा जुइगु सम्भावना दु ।

भोटो क्यनीगु जात्रा कुन्हु स्वनिगलय् सार्वजनिक बिदा बी । भोटो जात्रा स्वयेगु लागिं राष्ट्र प्रमुख कथं राष्ट्रपति नं उपस्थित जुइमाःगु परम्परा दु ।