‘एमबाप्पें पिएसजी त्वःतीमखु’

फ्रान्सया स्टार कासामि केलियन एमबाप्पें पेरिस सेन्ट जर्मेन (पिएसजी) मत्वतीगु जूगुु दु । एमबाप्पें क्लब त्वतीगु खँ पिहां वयाच्वंगु इलय् पिएसजीं एमबाप्पे मेगु सिजनय् क्लबय् हे च्वनीगु खँ धाःगु खः । क्लबं धाःगु दु, ‘वइगु सिजनय् नं एमबाप्पेनाप क्लबं इतिहास दयेकीगु जुइ ।’

पिएसजी छगू व्यक्तव्य हे पिकयाः एमबाप्पे व पिएसजी दथुइ बांलाःगु सम्बन्ध दुगु व उकिं यानाः क्लब व एमबाप्पेयात छगू हे यानाः खँ धाःगु दु । पिएसजी थ्व फ्रेञ्च लिग वानया उपाधि त्याकेधुंकूगु दु ।पिएसजीया स्ट्राइकर केलियन एमबाप्पेयात आइतवाः लिग वानया ‘प्लेयर अफ द इयर’या अवार्ड बिउगु खः । अवार्ड कायेधुकाः न्ववासें २० दँ दुम्ह एमबाप्पें न्हूगु प्रोजेक्ट बिचाः यानाच्वनागु खँ धाःगु खः ।

न्हूगु प्रोजेक्ट बारे छु जुइ धइगु न्ह्यसलय् धाःसा एमबाप्पें जिं धाये माःगु धायेधुन धकाः लिसः बिउगु खः । एमबाप्पे सन् २०१७य् मोनाकाें पिएसजी वंगु खः । पिएसजीया निंतिं एमबाप्पें ८६ गू कासा म्हिताः ५९ गोल यायेधुंकूगु दु । एमबाप्पें निगू लिग वान व छगू फ्रेन्च कप त्याकेधुंकल । जारी सिजनय् एमबाप्पे लिग वानया सर्वाधिक गोल याःम्ह कासामि नं ख ः ।

 

सम्बन्धित बुखँ

LEAVE YOUR COMMENTS