लागू वासः विरुद्ध अन्तर्राष्ट्रिय दिवस

येँ – सरकारं लागू वासः विरुद्ध अन्तर्राष्ट्रिय दिवस छवाःयंकं न्यायेकीगु जूगु दु । सरकारं वइगु असार ५ गतेनिसें ११ गतेतक छवाःयंकं लागू वासःया दुरुपयोग व थुकिया अवैध ओसारपसार विरुद्ध अन्तर्राष्ट्रिय दिवस जनेचतनामूलक नापं थीथी ज्याझ्वः यासें न्यायेकेत्यंगु खः ।
लागू वासः विरुद्धया अन्तर्राष्ट्रिय दिवस असार ११ अर्थात जून २६ कुन्हु लाः ।

गृह मन्त्रालयया नीति, योजना अनुगमन व मूल्यांकन महाशाखाया संयोजक नारायणप्रसाद शर्माया संयोजकत्वय् दिवस न्यायेकेत छगू मूल समारोह समिति गठन यायेगु तयारी जुयाच्वंगु दु । महाशाखा प्रमुख शर्मां दिवसया झ्वलय् याये फइगु योगदान व थीथी ज्याझ्वःया विस्तृत विवरण पेश यायेत सम्वद्ध मन्त्रालयया प्रतिनिधि व थीथी गैरसरकारी निकायया प्रतिनिधियात इनाप नं यानादीगु दु ।

वय्कलं लागू वासः नियन्त्रणया निंतिं दछियंकं थीथी ज्याझ्वः पहिचान यायेत व राष्ट्रिय नारा क्वःछिनाः उकियात पेश यायेत नं सहलहया इलय् सहभागि मन्त्रालय व संघसंस्थाया प्रतिनिधितय्त इनाप यानादिल ।गृह मन्त्रालयय् च्वंगु बैठकं दिवसयात रचनात्मक रुपय् हनेत प्रदेश व स्थानीय सरकारयात नं इनाप यायेगु निर्णय याःगु दु ।

सम्बन्धित बुखँ

LEAVE YOUR COMMENTS