सहीदस्मृति कप ब्याडमिन्टनया फाइनल कन्हय्

किपू – किपुली सहीद दिवसया झ्वलय् जूगु झिक्वःगु सहीदस्मृति कप ब्याडमिन्टन धेंधेंबल्लाखय् अजय पाण्डे–पुष्प खड्का, सुमन–सुशन, रदीप–प्रदीपया ज्वः सेमिफाइनलय् थ्यंगु दु । बिहीवाः जूगु कासाय् ट्यांगलाफाँट किपूया अजय–पुष्पया ज्वलिं काजि कार्की–सन्तोष श्रेष्ठ –किपू)या ज्वःयात २०–२२, २१–१५ व २१–१५या सेटं बुकूगु खः ।

अथेहे नागबहाः, यलया सुमन–सुशनया ज्वलिं अविषेक गुरुङ–दयाराम डंगोल –किपू)या ज्वःयात १६–२१, २१–१४ व २१–१४ या सेटं बुकूगु खः । हरिसिद्धिया रदीप–प्रदीपया ज्वलिं राजु महर्जन–रितेश श्रेष्ठ –(किपू)या ज्वःया २१–१८, २१–१६या सेटं बुकाः सेमिफाइनलय् दुहां वंगु खः । सेमिफाइनल कासा थौं शुक्रवाः जुइसा फाइनल कासा व सिरपाः इनेज्या शनिवाः जुइ ।