मिडिया काउन्सिल ऐन विरुद्ध थौं धर्ना

येँ – संसदय् दर्ता जूगु मिडिया काउन्सिल विधेयक सहितया कानुनय् दुगु छुं प्रावधानं स्वतन्त्र प्रेसया अभ्यासयात नियन्त्रण याइगु ठहर यासें नेपाल पत्रकार महासंघं आन्दोलन घोषणा याःगु दु ।

सञ्चार लिसे सम्बन्धित थीथी संघसंगठन व सरोकारवाला पक्षलिसे सहलह यानाः क्वःछिउ कथं न्हापांगु चरणया आन्दोलनया झ्वलय् थौं येँया संसद भवन पिने व जिल्लाया सदरमुकामय् सञ्चार साधन सहित वृहत प्रदर्शन याइगु जूगु दु ।

महासचिव रमेश बिष्टं म्हिगः छगू प्रेस विज्ञप्ति जारी यासें न्हापांगु चरणया आन्दोलन शुरु जूगु छवाः तक नं सम्बन्धित पक्षं प्रेस तथा अभिव्यक्ति स्वतन्त्रता विरोधी कानून संशोधन वा लित कयाः भविष्यय् सरोकारवाला पक्षलिसे सहलह व सहमति यानाः जक मिडिया सम्बन्धी कानून हयेगु मागया सुनुवाई मजुल धाःसा वयां लिपा थप आन्दोलित जुइमाःगु अवस्था ब्वलंगु खँ धयातःगु दु ।

अथे हे प्रेस विज्ञप्तिइ थौं जुइगु आन्दोलनया लिपांगु न्हिं १२ बजे थःथःगु सञ्चार साधन सहित उपस्थित जुइत नं सञ्चारकर्मीयात इनाप यानातःगु दु । सरकारं हयेत्यंगु उगु विधेयकया विरोध देय्या फुक्क धइथें सञ्चार संगठन आन्दोलित जुइमाःगु खँ नं धाःगु दु