अन्त्येष्ठि विधि व पितृ मोक्ष पितब्वज्या

ख्वप – नेवाः संस्कारय् अन्त्येष्ठि विधि व पितृ मोक्ष नांया सफू वंगु शनिवाः छगू ज्याझ्वःया दथुइ पितब्वज्या जुल । उगु सफू पूर्णराम मुनकःमिं सम्पादन यानाः पिथनादीगु खः ।ख्वपया एकान्त कुमारि माजुं उगु सफूया पितब्वज्या यानाबिज्याःगु ज्याझ्वः मुनकःमि समाजया ग्वसालय् जूगु खः ।

शिवप्रसाद मुनकःमिया सभापतित्वय् जूगु ज्याझ्वलय् मृगेन्द्रराज सुवेदी, प्रा. डा. ओमकारेश्वर श्रेष्ठ, रास जोशी, उपेन्द्र भक्तानन्द राजोपाध्याय, महेश्वर जुजु राजापोध्याय, परासरराज राजोपाध्याय, कीर्तिकरण जोशी लगायतया उपस्थिति दुगु खः ।

नेवाः संस्कारया मौलिकतां जाःगु सपूmया पिथनां नेवाः संस्कारया ज्याय् एकरुपता वइगु नापं संस्कार व संस्कृतिइ खने दयाच्वंगु गलत प्रवृत्तिं पुरोहिततय्त विस्थापित याना वने फइगु सम्भावनायात सफुतिं पनीगु विचाः ज्याझ्वलय् नवादीपिंसं तयादीगु खः ।

अथे हे नेवाः संस्कारय् अन्त्येष्ठिया विषयय् खने दयाच्वंगु विवादयात मुक्त यानाः सकल नेवाःतय्त छप्पँ याइगु विश्वास याःगु दु ।पितब्वज्या जूगु सफू पुरोहित थ्यने मफयाच्वंगु थासय् नं थःपिंसं हे अन्त्येष्ठि विधि पूवंकेत ग्वाहालि जुइगु वक्तातय्सं धाःगु दु ।

 

सम्बन्धित बुखँ

LEAVE YOUR COMMENTS