मई दिवसकुन्हु पत्रकारतय् ऐक्यवद्धता ¥याली
येँ – नेपाल पत्रकार महासंघं १३० क्वःगु अन्तर्राष्ट्रिय श्रमिक दिवसकुन्हु छगू ऐक्यवद्धता ¥याली पिथन । महासंघं वंगु मई १ तारिखकुन्हु उकथं ऐक्यवद्धता ¥याली पिथंगु खः । सरकारं पत्रकारतय्त थाय्थासं ज्वनाः कुनेगु व अपराधीयात थें हे अन्यायपूर्वक हटकडी न्ह्याकेगु व अदालतया आदेशयात तकं हाचां गाःगु धासें उकिया विरोधय् ऐक्यवद्धता ¥याली पिथंगु खः ।
येँ जिल्ला अदालतया परिसरं न्हू बानेश्वरय् च्वंगु संसद भवनतक महासंघया आह्वानय् पिथंगु ¥याली पत्रकारिता पेशालिसे आवद्ध थीथी संघसंस्थातय् सहभागिता दुगु खः । ¥याली संसद भवनपाखे न्ह्याः वनाच्वंगु इलय् न्हू बानेश्वर चोकय् थ्यने न्ह्यः सशस्त्र प्रहरी पुचः वयाः उगु थासं न्ह्यःने वने दइमखु धासें निषेधित क्षेत्र च्वयातःगु ब्यानर क्यनाः पत्रकारतय् ¥यालीयात पंगु खः ।
¥याली लिपा महासंघया अध्यक्ष गोविन्द आचार्यं नीन्हुतक प्रहरी हिरासतय् च्वनाः रिहा जूम्ह पत्रकार जितेन्द्र महर्जनयात स्वांमाः क्वखायेकाः लसकुस यासें विश्व श्रमिक दिवसकुन्हु मे ३ कुन्हुया विश्व प्रेस स्वतन्त्रता दिवसया लसताय् उकथं ऐक्यवद्धता ¥याली पिथनागु धयादिल ।
लिसें वय्कलं प्रेस व अभिव्यक्ति स्वतन्त्रताया निंतिं पत्रकारत आः सतकय् कुहां वयाच्वनेमाःगु दुःखया खँ खँ धयादिल । छन्हु न्ह्यः जक प्रहरी हिरासतं रिहा जूम्ह पत्रकार महर्जनं थः पासापिनिगु ग्वाहालिं प्रेस स्वतन्त्रताया पक्षय् अझ सशक्त रुपं न्ह्याः वनेगु व पत्रकारिता ख्यःया निंतिं हे योगदान बिया वनेगु जुइ धयादिल ।
ज्याझ्वलय् क्रान्तिकारी पत्रकार महांघया बाबुराम भुषाल, रिपोटर्स क्लबया अध्यक्ष ऋषि धमला, संचारिका समूहया उपाध्यक्ष कमला पन्त, प्रेस सोसाइटीया केशव अर्याल, क्रान्तिकारी पत्रकार महासंघया इन्द्र राई, लोकतान्त्रिक छापा माध्यम राष्ट्रिय समाजया अध्यक्ष दामोदरप्रसाद दवाडी, डब्लूडब्लूडीया अध्यक्ष अम्विका राजथला, मिडिया नेपालया गोपाल पौडेल, नेपाल आदिवासी जनजाति पत्रकार महासंघ फोनिजया अध्यक्ष दण्ड गुरुङ, नेपाल प्रेस युनियनया बद्री सिग्देल लगायतं प्रेस व अभिव्यक्ति स्वतन्त्रयताया निंतिं ऐक्यवद्धता प्वंकादीगु खः ।
LEAVE YOUR COMMENTS