चित्रकारया छेँय् मिसा च्वमिपिनि मुँज्या

येँ – नेपालभाषा परिषद्या न्वकु लिसें साहित्यकार नविन चित्रकारया छेँय् नेपालभाषाया मिसा बाखं च्वमिपिनि साहित्यिक मुँज्या जुल । मुँज्याय् आख्यान व गैरआख्यान साहित्यया बारे चर्चा जूगु खः । लिसें साहित्यकार चित्रकारं थम्हं अमेरिकाय् नापलानापिं साहित्यकार व अनया साहित्य बारे थःगु अनुभव नं कनादीगु खः ।

मुँज्याय् मिसा बाखं च्वमिपिं सरस्वती तुलाधर, मोतिलक्ष्मी शाक्य, विमलप्रभा वज्राचार्य, मनदेवी तण्डुकार, भवानी तुलाधर व दिव्या ताम्राकारपिनि उपस्थिति दुगु खः । अमेरिकाय् पक्षाघात जुयाः उसाँय् मदयाच्वंम्ह भाजु चित्रकारया स्वास्थ्य आः सुधार जुजुं वयाच्वंगु दु ।