डिभोर्सया लँय् !

बलिउड अभिनेत्री प्रियंका चोपडा व निक जोन्स दथुइ वंगु दँया डिसेम्बरय् जक इहिपा जूगु खः । तर इहिपा जूगु प्यला मदुनिवं निम्हेसिया दथुइ ‘डिभोर्स’या खँ पिहां वःगु दु । थ्व हे वंगु मार्चया लिपांगु इलय् निम्हतिपुलिं सम्बन्ध विच्छेद याइगु खबर व्यापक चर्चा जुल । छगू अमेरिकी म्यागेजिनं निम्हतिपूया ‘डिभोर्स’ जुइत्यंगु धइगु दावी यासें छगू रिपोर्ट पिथंगु खः ।

तर म्यागेजिनय् पिहां वःगु समाचारय् छुं हे सत्यता धाःसा मदु । छाय्कि थुगु समाचार पिहां वयेवं आः प्रियंका व निकं उगु म्यागेजिन विरुद्ध मानहानीया मुद्दा तयेगु विचाः यानाच्वंगु दु । मुद्दा तये स्वयां न्ह्यः प्रियंकाया कानूनी सल्लाहकार पुचलं उगु म्यागेजिन नाप खँ ल्हानाः समाचारया खण्डन यायेत इनाप याइगु जूगु दु । यदि म्यागेजिनं समाचारया खण्डन मयात धाःसा तःधंगु हे राशी माग यानाः निम्हतिपुलिं मानहानीया मुद्दा दायर यायेगु मनस्थिति दयेकाच्वंगु खँ सीदुगु दु ।