३० किलोया लेहेंगा

नायक सैफ अली खानलिसे इहिपा याये धुकाः छम्ह मचा दयेवं तसकं ल्ह्वन धकाः चर्चाय् वःम्ह बलिउड नायिका करिना कपुरं थःगु शरीरया तौल क्वकाःगु खः । वयां लिपा करिनाया शारीरिक बनावटयात कयाः खास हे चर्चा मजुल । छगू कथं चर्चाया ख्यलं तापाक च्वनाच्वंम्ह करिना हाकनं चर्चाय् वःगु दु ।

वंगु वाःया विहीवाः भारतय् जूगु छगू फेशन शोलय् खने दयेकः वःम्ह करिना हाकनं चर्चाय् वःगु खः । ‘इन्डिया कुटुर वीक–२०१८’ नांया फेशन शोलय् ¥याम्पय् वःम्ह करिनाया खास चर्चा वं पुनातःगु वसःयात कयाः जूगु खः । फेसन डिजाइनर शेन व फाल्गुनी पिककं तयार याःगु वसतय् ¥याम्पय् कुहां वःम्ह करिनां सुनौलो रंगया गुगु लेहेंगा पुना वःगु खः, उकिया तौल जक हे ३० किलों मल्याक दुगु खः ।

सुनौलो रंगया लेहेंगाय् ‘न्यूड कलर’या फेदर लेसय् करिना तसकं सुन्दर खने दयाः ग्ल्यामरस नं खने दुगु खः । ¥याम्प वाक लिपा करिनां धाःगु खः कि, ‘लेहेंगाया तौल ३० किलो दुगु खः । वसः थपाय्सकं झ्यातुगु महसुस जुल कि ¥याम्पय् वनाच्वनागु इलय् झीगु ला म्ह हे मदुथें च्वनावल ।’