इन्स्टाग्राम क्वीन

सामाजिक संजाल इन्स्टाग्रामय् गुलि फलोअर्स दु धइगु संख्याया आधारय् बलिउडया कलाकारतय् ‘क्रेज’ मापन यायेगु ज्या नं जुयाच्वंगु दु । थ्व झ्वलय् दकलय् न्ह्यःने लानाच्वंम्ह धइम्ह बलिउड नायिका आलिया भट्ट खः । ‘स्टुडेन्टस् अफ दि इयर’ पाखें बलिउड संकिपा क्षेत्रय् पलाः न्ह्याकूम्ह आलियाया इन्स्टाग्राम फलोअर्स जक स्वंगू करोडं मल्याक थ्यने धुंकूगु दु ।

वंगु बुधवाः जक वया फलाअर्स ३ करोडं थहां वंगु खः । सामाजिक संजालय् थः फलोअर्सत अप्वया वंगुलिं अतिकं लय्ताःम्ह आलियां थःगु करिअरया शुरुनिसें आतकया दक्वं भिडियो अपलोड यानाः फलोअर्सतय्त सुभाय् नं देछाःगु दु । आलियाया फलोअर्स जक मखु वं पोस्ट याःगु छपाः छपाः किपा लाइक याइपिं नं १० गू लाख स्वयां अप्वः दु । उकिं वयात थौंकन्हय् ‘इन्स्टाग्राम क्वीन’ धकाः नं धायेगु याना हयाच्वंगु दु ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत