नेपाल स्टकय् आमरण अनसन

येँ – शेयर बजाःया विकासया निंतिं दबाब बीत धकाः आइतवाः नेपाल धितोपत्र बोर्डय् तालाबन्दी याःपिं लगानीकर्तातय्सं सोमवाः निसें नेपाल स्टक एक्सचेञ्ज न्ह्यःने आमरण अनसन सुरु याःगु दु । आइतवाः धितोपत्र बोर्डय् तालाबन्दी याःबलय् प्रहरी हस्तक्षेप यानाः तालं चायेकूगु खः ।

थःपिंसं यानागु शान्तिपूर्ण आन्दोलनय् प्रहरी हस्तक्षेप याकाः दमन यायेत स्वः धासें रिले अनसन सुरु याःगु खः ।सरकारी दमनया विरोधय् सोमवाः नेपाल स्टक एक्सचेञ्ज परिसरय् विरोध कथं हाकुगु बेलुन नं ब्वयेकूगु खः । उमिसं थःपिनिगु ३२ बुँदाया माग पूमवंतले अनसन जारी जुइगु खँ नं छगू विज्ञप्ति पिथँसें धाःगु दु ।

थ्व दबाब समूहं निला न्ह्यव पुँजी बजाः सुधार व विस्तारया लिसें लगानी सुरक्षा संवैधानिक हकयात कयाः थीथी ३२ गू माग अर्थमन्त्रालय् लःल्हाःगु खः । थ्व मागय् अर्थमन्त्री युवराज खतिवडाया राजीनामाया माग तकं यानातःगु दु ।

सम्बन्धित बुखँ

LEAVE YOUR COMMENTS