लिपि गुथिया रञ्जना लिपि वर्णमाला सफू पितब्वज्या

येँ – नेपाःयात हलिमय् म्हसीका बियाच्वंगु रञ्जना लिपिया वर्णमाला सपूm व रञ्जना लिपा एप्स पिहांवःगु दु । शनिवाः छगू ज्याझ्वःया दथुइ मूपाहां येँ महानगरपालिकाया मेयर विद्यासुन्दर शाक्यं वर्णमाला व जनकवि दुर्गालाल श्रेष्ठं एप्स विमोचन यानादीगु खः । लिपि संरक्षक यायेगु तातुनः नीस्वनातःगु नेपाल लिपि गुथिं वर्णमाला लिसें थौंया प्रविधिया युगयात कःघाना न्ह्याः वनेमाःगु वाःचायेकाः रञ्जना लिपिया एप्स तयार याःगु खः ।

मेयर शाक्यंं त्वाःदेवाय् मत च्याकाः ज्याझ्वःया उलेज्या याना न्ह्याकादीगु थुगु ज्याझ्वलय् गुथिया न्वकु अनिल स्थापितं लसकुस यासे रञ्जना लिपिया पक्षय् जानकारी बियादीगु खः । ज्याझ्वलय् नेवाः न्ह्यलुवाः मल्ल के सुन्दरं नेपालया रञ्जना लिपिया महत्वया थीथी पक्षयात कयाः थःगु नुगः खँ तयादीगु खः ।

गुथिया मेम्ह न्वकु महेशमान डंगोलं न्ह्याकादीगु थुगु ज्याझ्वलय् सफुलिइ ग्वाहालि यानादीपिं सकलसित सफू छगू छगू नं देछायेगु ज्या जूगु खः ।ज्याझ्वलय् मूपाहां मेयर शाक्य, विशेष पाहां जनकवि व नेपाल लिपि गुथिया नायः निरञ्जनरत्न तवःपिंसं नं थःगु नुगः खँ प्वंकादीगु खःसा ज्याझ्वलय् नेपालभाषाया आपालं भाषासेवी व लिपिह्यःमिपिनिगु उपस्थितिइ दुगु खः ।

 

सम्बन्धित बुखँ

LEAVE YOUR COMMENTS