क्याबिनय् तयाः मिसामचा बलात्कार

येँ (नेपालभाषा टाइम्स) – येँया कागेश्वरी मनहरा नगरपालिका-७ स्थित विरेन्द्रचोकय् झिंन्यादँ दुम्ह छम्ह मिसा मचा बलात्कृत जूगु दु । बलात्कारया द्वपनय् प्रहरीं सिन्धुलीइ छेँ जुयाः कागेश्वरी मनहरा-७ च्वनीम्ह सुशील खड्कायात ज्वंगु दु । वंगु मंगलवाः उम्ह मिसा मचायात म्युजिक भिडियो म्हितकेगु आश्वासन बियाः क्याविन रेष्टुरेन्टय् यंकाः वियर त्वंकाःलि क्याबिनय् हे बलात्कार याःगु खँ प्रहरीं धाःगु दु। मिसा मचां बिउगु उजुरीया आधारय् प्रहरीं खड्कायात ज्वंगु खः ।