मरुसतःया १३ प्रतिशत ज्या क्वचाल

येँ – मरु सतः दयेकेगु ज्या १३ प्रतिशत क्वचाःगु दु । थौंकन्हय् मरुसतः दयेकेगु निंतिं सिँया ज्या जुयाच्वंगु दु । फागुन महिना दुने सिँया मू मू ज्या क्वचायेकेगु कथं ज्या जुयाच्वंगु खँ धाःगु दु । सिँया मू मू ज्या क्वचायेवं थ्व हे महिनां निसें मेगु ज्या नं न्ह्याकेगु तयारी जुयाच्वंगु दु ।
वि.सं २०७२ सालया तःभुखाचं पूवंक क्षति जूगु मरुसतः दयेकेगु निंतिं वंगु वैशाख ३१ गते क्षमा पुजा याःगु खः । वंगु माघ २७ गते श्रीपञ्चमी कुन्हु मरुसतलय् मू थां धस्वाकूगु खः । उगु थां मध्ये स्वंगः न्हूगु थां तःगु खःसा छगः पुलांगु हे थां धस्वाकूगु खः । वयां छुं न्हिं लिपा निना तयेगु ज्या नं क्वचायेकूगु खः । आः वइगु असार महिना तकया दुने छगू तल्ला थकायेगु कथं ज्या जुयाच्वंगु दु । येँ महानगरपालिका मरुसतः पुनर्निर्माणया निंतिं आः तक ५ करोड ५० लाख तका आर्थिक ग्वाहालि यायेधुंकूगु दु ।

सम्बन्धित बुखँ

LEAVE YOUR COMMENTS