समाजसेवी, साहित्यकार घलेया ८५ क्वःगु बुन्हि
येँ – गोधुली साहित्यिक प्रतिष्ठानया ग्वसालय् वरिष्ठ समाजसेवी, साहित्यकारलिसें कलाकार भद्राकुमारी घलेया ८५ क्वःगु बुन्हिया लसताय् अभिनन्दन व सम्मान लःल्हायेगु ज्याझ्वः जुल । थनया न्हू बानेश्वरय् च्वंगु देवीनगरय् जूगु ज्याझ्वःया मूपाहां वाङ्मत शताब्दी पुरुष सत्यमोहन जोशीं सम्मान व दां सिरपाः लःल्हानादीगु खः ।
ज्याझ्वलय् मूपाहां जोशीं च्याम्ह समाजसेवी, साहित्यकार व कलाकारपिंत सम्मान पत्र लिसें दां सिरपाः लःल्हानादीगु खः । उगु इलय् मूपाहां जोशीं भद्राकुमारी घलें च्वयादीगु १४१ औं सपूm ‘भक्ति भजन संग्रह–२’या नं पितब्वज्या यानादीगु खः । थ्व हे झ्वलय् नेपाल राष्ट्रिय निवृत्त कर्मचारी संघया अध्यक्षलिसें अग्रज कलाकार गेहेन्द्रमान अमात्यं घलेयात संघपाखें हनापौ देछासे अभिनन्दन यानादीगु खः ।
वरिष्ठ समाजसेवी, साहित्यकारलिसें कलाकार घलें नीस्वनादीगु भद्राकुमारी सेवा सदनपाखें वंगु छगू दशक न्ह्यवंनिसें नेपाःया प्रतिष्ठित समाजसेवी, साहित्यकार व कलाकारपिंत दँय्दसं स्वंगू लाख तका लःल्हाना वयाच्वनादीगु दु ।
LEAVE YOUR COMMENTS