ने. सं. ११४३ चौलाथ्व तृतीया -

रुसयात डब्लुएचओया इनाप

एजेन्सी – विश्व स्वास्थ्य संगठनं कोरोना भाइरसया खोपया अनुसन्धान व उत्पादन याना वयाच्वंगु रुसयात निर्देशन पालना यायेत इनाप याःगु दु। रुसं कोरोनाया खोप उत्पादन शुरु यायेगु घोषणा यायेवं संगठनं सुरक्षित व प्रभावकारी खोप उत्पादन यायेगु निंतिं क्वःछिनातःगु मापदण्ड व निर्देशन पालना यायेत इनाप याःगु खः । रुसं वइगु अक्टोबर निसें प्रयोगय् हयेकथं म्होतिं नं स्वंगू करोड डोज खोप उत्पादन यायेगु घोषणा याःगु खः ।