राष्ट्रिय फुटबल टिमया न्हूगु जर्सी

येँ – अखिल नेपाल फुटबल संघ (एन्फां) पत्रकार सम्मेलन यानाः राष्ट्रिय फुटबल टिमया न्हूगु लोगो व जर्सी सार्वजनिक याःगु दु । सोमवाः सार्वजनिक याःगु न्हूगु जर्सीइ नं निगू रङ ह्याउँगु व वँचुगु हे दु । न्हापा राष्ट्रिय झण्डा दुगु जर्सीया देपा पाखे एन्फाया लोगोे दु । राष्ट्रिय ध्वाँय् जर्सीया लिउनेया ब्वय् दु । जर्सी न्ह्यःने सगरमाथाया प्रतीक दु ।

जर्सीइ एन्फाया न्हूगु लोगो दु । लोगोय् सगरमाथा व नेपालया राष्ट्रिय ध्वाँय् दयेकातःगु दु । अथेहे न्हय्गू प्रदेशया प्रतिनिधित्व याइगु न्हय्गू हे रङ नं लोगोय् दु । एन्फाया न्हूगु लोगो सन्दीप तिवारीं डिजाइन याःगु खः ।

पत्रकार सम्मेलन यानाः एन्फां तिवारीयात सम्मान स्वरुप ५० हजार तका नं बिउगु खः । एन्फां न्हूगु जर्सी व लोगो डिजाइनया खुल्ला छनोटया निंतिं विज्ञापन बिउगु खः ।एन्फां थ्व निक्वःगुखुसी लोगो हिउगु खः । एन्फां राष्ट्रिय टिमया न्हूगु म्येँ नं सार्वजनिक याःगु खः ।

सम्बन्धित बुखँ

LEAVE YOUR COMMENTS