फागुन २३ निसें माउन्टेन हाइड्रोया शेयर

येँ – पाँचथरय् ९.५ मेगावाटया तल्लो हेवा जलविद्युत आयोजना दयेकाच्वंगु माउन्टेन हाइड्रो नेपालं वइगु फागुन २३ गते निसें सर्वसाधारणया निंतिं शेयर पितबीगु जूगु दु । कम्पनीं १७ लाख ३९ हजार ७८८ कित्ता प्राथमिक शेयर पितबीत्यंगु खः । कम्पनीं प्रभावित क्षेत्रयात छुटे यानाः विक्री मजूगु शेयर नं सर्वसाधारणया निंतिं पितबीगु जूगु दु ।

कम्पनीं सामुहिक लगानी कोषया निंतिं धकाः निष्काशनया ५ प्रतिशत ९० हजार ८०५ कित्ता शेयर छुटे यानातःगु दु । तर कोषं धाःसा माउन्टेनया ४० हजार कित्ता जक न्याःगु दु । थौंकन्हय् हाइड्रोपावरया शेयर आधार मू स्वयां कुहां वनाच्वंगुलिं प्राथमिक शेयरय् नं सर्वसाधारणया आकर्षण म्हो जुयाच्वंगु दु ।

थज्याःगु इलय् माउन्टेनं हःगु प्राथमिक शेयरया निंतिं म्होतिं ५० कित्ता निसें अप्वलय् ८० हजार कित्ता तक आवेदन तयेफइगु खँ धाःगु दु ।
माउन्टेनं दयेकाच्वंगु हेवा जलविद्युत आयोजनाया मुक्कं लागत ४ अर्ब २८ करोड थ्यनीगु खँ धाःगु दु ।

सम्बन्धित बुखँ

LEAVE YOUR COMMENTS