लुँया भाः कुहांवयेगु क्रम जारी

येँ (नेपालभाषा टाइम्स) – निरन्तर कुहां वनाच्वंगु लुँया भाः म्हिगः नं कुहां वंगु दु। म्हिगः छापावाला लुँ प्रतितोलां खुसः तका कुहां वंगु खः । वंगु शुक्रवाः ९१३०० तका कारोबार लुँया भाः म्हिगः कुहां वयाः ९०७०० तका थ्यंवःगु दु । उकथं हे तेजाबी लुँया भाः नं कुहाः वयाः ९०२०० कायम जूगु दुसा वहःया भाः नं झिंन्यातका कुहां वयाः ११५० तका कायम जूगु दु । अमेरिकी चुनावीया लिच्वः लिपा अन्तर्राष्ट्रिय बजारय् लुँया भाः कुहां वयेगु क्रम शुरु जूगु खः । अमेरिकी चुनाव लिपा विश्वया शेयर बजाःया भाः थहां वनेगु लिसें पेट्रोलियम पदार्थया भाः थहां वनेवं लुँइ लगानी याइपिं म्हो जुयाः लुँया भाः कुहां वःगु विश्लेषण अन्तर्राष्ट्रिय बजार जुयाच्वंगु दु ।