सिभिल बैंकं ४.०५ प्रतिशत नगद लाभांस बीगु

येँ – सिभिल बैंकं आर्थिक दँ २०७४÷७५ या लबः पाखें शेयरधनीतय्त ४.०५ प्रतिशत नगद लाभासं बीगु जूगु दु । बैंकया थौंकन्हय् ७ अर्ब २५ करोड ९३ लाख १० हजार चुक्ता पुँजी थ्यनाच्वंगु दु । थ्व ल्याखं २९ करोड ४० लाख २६९ तका बराबर नगद लाभांस बीत्यंगु खः । फागुन ३ गते च्वंगु संचालक समितिया बैठकं नगद लाभासं पारित याःगु खः । आः थुकियात साधारण सभां अनुमोदन यायेगु व राष्ट्र बैंकं स्वीकृति कायेगु ल्यं दनि ।

सिभिलं घोषणा यानातःगु आर्थिक दँ २०७३÷७४ या लाभांस नं शेयरधनीतय्सं कायेखंगु मदुनि । उगु आर्थिक दँया साधारण सभा हे मजूगुलिं शेयरधनीतय्सं लाभासं कायेमखंगु खः । उगु दँय् बैंकं १०.२५ प्रतिशत बोनस शेयर व थुकिया कर प्रयोजनया निंतिं ०.५४ प्रतिशत नगद लाभासं बीगु प्रस्ताव यानातःगु खः ।

सम्बन्धित बुखँ

LEAVE YOUR COMMENTS