उन्नति माइक्रोफाइनान्सं ४० प्रतिशत बोनस शेयर बीगु

येँ – उन्नति माइक्रो फाइनान्सया प्यक्वःगु वार्षिक साधारण सभां ४० प्रतिशत बोनस शेयर बीगु प्रस्ताव पारित याःगु खः । शनिवाः जूगु साधारण सभां बोनस शेयर बीगु लिसें थीथी न्हय्गू विशेष प्रस्ताव पारित याःगु खः । अथेहे साधारण सभां चुक्ता पुँजीया २.१३ प्रतिशत बोनस शेयर बीगु निंतिं माःगु नगद लाभांस बीगु नं क्वःछिउगु खँ धाःगु दु ।

थ्व माइक्रोफाइनान्सं थौंकन्हय् ३९ गू शाखा ज्याकू चायेकाः सेवा बिया वयाच्वंगु दु । संस्थाया निक्षेप संकलन १ अर्ब ४४ करोड ५१ लाख दुसा १ अर्ब ३६ करोड त्यासा बियातःगु दु । उन्नतिं वइगु फागुन १३ गते निसें हकप्रद शेयर नं पितबीत्यंगु दु । संस्थां ५ः१ या अनुपातय् हकप्रद शेयर बीत्यंगु खः ।

संस्थां हकप्रदया निंतिं छगू लाख झिद्वः हकप्रद पितिबीत्यंगु खःसा हकप्रदया निंतिं चैत १७ गते तक आवेदन बीफइगु खँ धाःगु दु । हकप्रद बीधुंकाः संस्थाया चुक्तापुँजी ६ करोड ६० लाख थ्यनीगु जूगु दु । थौंकन्हय् संस्थाया पुँजी ५ करोड ५० लाख जक दु । आशाया शेयर बाँडफाँट
आशा लघुवित्त वित्तीय संस्थां पितबिउगु प्राथमिक शेयर शुक्रवाः बाँडफाँट याःगु दु ।

शेयर आवेदन तःपिं ६२ हजार ९९३ म्हेसित १० कित्ताया ल्याखं शेयर लाःगु खँ धाःगु दु । आशां ६ लाख २९ हजार ९३० कित्ता शेयर पितबिउगु खःसा ३ लाख ९ हजार ७८२ म्हेसिनं १ करोड १५ लाख ८२ हजार कित्ता शेयरशेयर माग याःगु खः । शेयर बाँडफाँट लिपा आशा लघुवित्तय् सर्वसाधारणया शेयर पुँजी ३२.५० प्रतिशत थ्यंगु दु ।

 

सम्बन्धित बुखँ

LEAVE YOUR COMMENTS