पेट्रोलियम पदार्थया भाः लिटरय् झितका कुहां वन

येँ – थौं चान्हय् निसें पेट्रोलियम पदार्थया भाः लिटरय् झितका कुहां वइगु जूगु दु । नेपाल आयल निगमं बुधवाः चान्हय् १२ लिपा लागू जुइकथं पेट्रोल, डिजेल व मचिकंया भाः लिटरय् १० तका क्वकायेगु निर्णय याःगु खः ।

अन्तर्राष्ट्रिय बजारय् चिकंया भाः कुहां वयेवं निगमं नं भाः समायोजन याःगु खः । कारोना भाइरसया कारणं विश्वन्यंकं इन्धनया खपत तसकं म्हो जक जुयाच्वंगुलिं अन्तर्राष्ट्रिय बजारय् हे पेट्रोलियम पदार्थया भाः कुहांवःगु खः ।
समायोजन लिपा आः पेट्रोलि लिटरया ९६ तका, डिजलया व मचिकंया ८५ तका तुइगु जूगु दु ।