ने. सं. ११४६ बछलागा चौथी -

पेट्रोल पाइप ८० प्रतिशत क्वचाल

भारतं नेपाः तक पेट्रोलियम पदार्थ हयेगु लागिं पाइप लाइन तयेगु ज्या आः तक ८० प्रतिशत क्वचाःगु खँ धाःगु दु । भारतया मोतिहारींनिसें नेपाःया अमलेखगञ्ज तक थ्व पेट्रोल पाइप लाइन तयेगु ज्या जुयाच्वंगु खः । थ्व पाइप लाइन तयेगु ज्या नेपाःपाखे ८० प्रतिशत लाये सिधःगु खँ परियोजनां धाःगु खः ।

थ्व पाइप लाइन नेपाःपाखे ३७.२५ किलोमिटर दयेमः । आः बाराया पथलैयांनिसें वीरगञ्ज भन्सार तकया ज्या अन्तिम चरणय् थ्यंगु खँ धाःगु दु । थ्व पाइप लाइन कुल ७० किलोमिटर ताःहाकः जुइ ।

थुकी भारतया मोतिहारींनिसें रक्सौल तकया लम्बाइ ३२.२५ किलोमिटर ताःहाकः जू । उगु क्षेत्रय् नं २३ किलोमिटर पाइप लायेगु ज्या सिधयेधुंकूगु दु । आः पथलैयांनिसें अमलेखगञ्जया दथुइ लाःगु ९ किलोमिटर लागा धाःसा अन च्वंगु जंगलया सिमा हे पाले मानिगु जुयाः छुं भचा ई काइगु खँ धाःगु दु ।