सतक प्रयोगकर्ता लक्षित सतक सुरक्षा अभियान

येँ –  महानगरीय ट्राफिक प्रहरीं लँजुवाःतय्त लक्षित यानाः छवाःयंकंया सतक सुरक्षा अभियान न्ह्याकूगु दु । महानगरीय ट्राफिक प्रहरी महाशाखां लँजुवाःतय्त लक्षित यानाः वंगु शुक्रवाःनिसें उकथंया अभियान न्ह्याकूगु खः । महाशाखां सडक विभागलिसेया सहकार्यय् महाशाखां विशेष यानाः सतक प्रयोग याइपिं लँजुवाःतय्त लक्षित यानाः उकथंया अभियान न्ह्याकूगु खः ।

अभियानय् ट्राफिक प्रहरी, विद्यार्थी, स्थानीय जनप्रतिनिधि व जन समुदायया नं ग्वाहालि दुगु महाशाखां न्ह्यथंगु दु । महाशाखाया प्रमुखलिसें प्रहरी वरिष्ठ उपरीक्षक वसन्त पन्तं ‘प्रहरी–समुदाय साझेदारी’ ज्याझ्वः अन्तर्गत हे थ्व अभियान न्ह्याकागु जानकारी बियादिल । सडक विभागलिसे सहकार्य यानाः हे थ्व अभियान न्ह्याकागु नं वय्कलं धयादीगु दु ।

अभियान मुख्य रुपं लँजुवाःतय्त लक्षित यानाः न्ह्याकूगु खःसां नं सतकया प्रयोग याइपिं चालक, सहचालक, लँजुवाः आदियात पर्चा, पम्पलेट इनेगु नापं कक्षा नं संचालन यायेगु यानाच्वनागु वय्कलं धयादिल । थ्व अभियान येँया रत्नपार्क, चक्रपथ लागा, न्हूगु बसपार्क, कलंकी, थानकोट, यलया लगंख्यः, जावलाख्यः, सातदोबाटो व ख्वपया जगाती लगायतया थासय् सचालन यायेगु योजना दुगु महाशाखां जानकारी बिउगु दु ।

सम्बन्धित बुखँ

LEAVE YOUR COMMENTS