गुंपुन्हि गन गबलय् ?

येँ (नेपालभाषा टाइम्स)- थुगुसी नं गुंपुन्हि व सापारु गुकुन्हु हनेगु धइगु खँय् तिथि विवाद जुयाः अन्यौल सिर्जना जूगु दु । पात्रोय् पुन्हि निन्हु क्यनाच्वंगु जुयाः निगू पर्व गबलय् हनेगु धकाः अन्यौल पिहां वःगु खः । ख्वपया तलेजुं वइगु भदौ १३ व १४ गते गुंपुन्हि व सापारु हनेगु धकाः निर्णय याःगु दु ।

अथे हे येँया जनबहालं भदौ १४ व १५ गते गुंपुन्हि व सापारु हनेगु धकाः निर्णय यायेधुंकूगु दु । यलया हिरण्यवर्ण महाविहारं भदौ १४ गते छन्हुं हे गुंपुन्हि व सापारु हनेगु धकाः निर्णय याःगु दु ।

यलय् सायाः पिकायेम्वाःगु जुयाः भदौ १५ गते कुन्हु मतयाः पिकायेगु धकाः निर्णय याःगु दु । थथे थीथी तिथि पिहां वःसां पर्व धाःसा थःथःगु हे परम्पराकथं हंसां जिउगु खँ नं धाःगु दु ।