कलकोताय् पुलेमाःगु ८ अर्बया डिमरेज पुलेम्वाःलीगु

येँ – नेपाःया व्यापारीतय्सं आः स्वंगूगु मुलुकं झिके याइगु सामान भारतया कलकोता बन्दरगाहलय् हयेवं पुलेमाःगु डिमरेज चार्ज आः पुले म्वाःलीगु जूगु दु । छाय्धाःसां आः शिपमेन्ट यानाः गुगु कम्पनीं जहाजय् तयाः सामान हइगु खः वहे कम्पनीं रेलय् तयाः उगु सामान नेपाःया वीरगञ्ज व विराटनगर तक हया बीगु जूगु दु ।

थुकियानाः बल्दिया बन्दरगाहय् सामान छुटे यायेत व्यापारीत थःहे कोलकाता तक वने मालीगु झंझटं नं मुक्त जूगु दु । बन्दरगाहय् थ्व स्वयां न्ह्यः ब्यापारीतय्सं दँय् ८ अब तका बराबरया डिमरेज पुलाच्वंगु खःसा आः न्यागः ध्यबा हे पुलेम्वाःलीगु जूगु दु । थुकिं यानाः बजाः भाः कुहां वइगु समेत अनुमान जुयाच्वंगु दु । आःयात थ्व व्यवस्था रेलं ढुवानी याइगु सामानय् जक लागू जुइ । कलकोतांनिसें थौंकन्हय् ५० प्रतिशत सामान रेलं ढुवानी याइगु खँ धाःगु दु ।

सम्बन्धित बुखँ

LEAVE YOUR COMMENTS