अझं निन्हुस्वन्हु वा वइगु

येँ (रासस)- देशय् अझं निन्हुस्वन्हु तक वा वइतिनिगु खँ धाःगु दु । मनसुनया न्यूनचापीय रेखा सरदर थाय् स्वयां उत्तरपाखे (नेपाः लिक्क) च्वनाच्वंगुलिं अझं वा वइगु सम्भावना दनीगु खँ मौसम पूर्वानुमान शाखां धाःगु दु ।

नेपालय् मनसुनी वायुया असरया लिसें बंगलादेशया उत्तरी ब्व व वया जःखः दुगु न्यूनचापीय प्रणालीया कारण) वा वयागु खँ नं महाशाखां धाःगु दु । महाशाखाया मौसमविद् बिनु महर्जनया कथं मनसुनया न्यूनचापीय रेखा नेपाःया उत्तरपाखे लानाच्वंगुलिं मनसुन सक्रिय जुयाच्वंगु दु ।

‘मनसुन थप सक्रिय जूगु दु । अझं छुं न्हि वा वइतिनि, तर लगातार वा वइगु धाःसा खनेमदु’ वय्कलं धयादीगु दु ।
महाशाखाया कथं मंगलवाः २४ घन्टाया दुने ६४ मिलिमिटर वा वइगु दु । मौसमय् सुधारय् वयेत अझं छुं न्हि लगे जुइतिनि ।

सम्बन्धित बुखँ

LEAVE YOUR COMMENTS