नवीन्द्रराज जोशीयात ब्रेन ह्यामरेज

येँ– कांग्रेस नेता नवीन्द्रराज जोशीयात ब्रेन ह्यामरेज जुयाः अस्पताल भर्ना याःगु दु । बिहिवाः बहनी ब्रेन ह्यामरेज जूगुलिं वय्कःयात नर्भिस अस्पतालय् भर्ना याःगु खः । वय्कःया अवस्था गम्भीर जूगु व शल्यक्रियाया तयारी जुयाच्वंगु खँ सीदुगु दु । जोशीया न्ह्यपुइ हि जाःगु खँ चिकित्सकतय्सं धाःगु दु । स्वास्थ्य समस्या खनेदयेवं वय्कःयात वीर अस्पताल यंकूगु खःसा ब्रेन ह्यामरेज जूगु सिइवं हाकनं नर्भिक यंकूगु खँ धाःगु दु ।

नेता जोशी नेपाली कांग्रेसया केन्द्रीय दुजः, पुलांम्ह उद्योगमन्त्री व येँ महानगरपालिकाया पुलांम्ह उपमेयर खः ।