बझाङ्ग जिल्लाय् निःशुल्क स्वास्थ्य शिबिर संचालन

बझाङ्ग – समाज सेवा मानव जिवनया उत्कृष्ट खः तायेकाः नेपाः हे बिकट थाय् सुदूरपश्चिमया बझाङ्ग जिल्लाय् बासुदेवप्रसाद जोशी स्मृति प्रतिष्ठानया ग्वसालय् निःशुल्क स्वास्थ्य शिबिर संचालन सम्पन्न जुल ।

दुर्गाथली गाउ“पालिकाया प्रमुख प्रयागराज जोशीया दन्त परीक्षण यानाः न्ह्याःगु उगु स्वास्थ्य शिबिरय् स्वास्थ्य सम्बन्धी थीथी वा ल्वय्, मचा ल्वय् , हाडजोर्नी तथा नसा सम्बन्धी ल्वय्, मिसा ल्वय्, छाति ल्वय् व गंल्वय् (क्षयरोग)या खइ परीक्षण नापं मेमेगु ल्वय्या परीक्षण जूगु खः ।

विकट गामय् तापाकनिसें स्वास्थ्य परीक्षण यायेगु निंतिं मचां निसें ज्याथजिथि यानाः मुक्कं यानाः २७०६म्हेस्यां स्वास्थ्य परीक्षण याकाः उगु शिविरपाखें निशुल्क वासः नं बितरण याागु खँ बासुदेवप्रसाद जोशी स्मृति प्रतिष्ठानया नायः लक्ष्मण जोशीं जनाकारी बियादिल ।

सम्बन्धित बुखँ

LEAVE YOUR COMMENTS