ने. सं. ११४३ ञलागा चौथी -

पब्जीं स्यंकाच्वन मचांनिसें बुरा

येँ – छुं न्हि न्ह्यःया खँ खः, प्रहरीया वाकाटाकीइ आकाझाकां म्हुतु ल्हानाहःगु तायेदत । प्रहरी वाकाटाकीइ म्हुतु ल्हाना हसेंलि प्रहरी दुने चर्चा जुइगु स्वाभाविक हे जुल । लिसें उकियात कयाः छानविन नं जुल । छानबिनं सी दत, प्रहरीया वाकाटाकीइ म्हुतु ल्हानाहःगुया कारण ला पब्जी म्हितेगु बानी धकाःसा जुयाच्वन । अलेम्हुतु ल्हाःम्ह प्रहरी जुयाच्वन, छम्ह डीएसपी पदया अधिकारी ।

वय्कः प्रहरी अधिकारी थें हे थौंकन्हय् आपालं बाज्यः वंपिं मनूत पब्जीया लतय् लानाच्वंगु लूगु दु । थ्व बानीं उमित थुलि तक लिच्वः लाकेधुंकल कि अनं पिहां वयेगु लागिं आः मनोचिकित्सकीय परामर्श बी माःगु अवस्था तकं ब्वलनाच्वंगु दु ।

थ्वहे झ्वलय् छगू स्कुलय् खुगू तगिमय् ब्वनीम्ह छम्ह मचां थम्हं मुंकातःगु ध्यबा फुक्कं पब्जी म्हिताः फुकूगु लूगु दु । येँया १२ वडाय् च्वनीम्ह उम्ह मचां पब्जी गेमय् थःगु ¥यांक अप्वयेकेत मुंका तःगु न्यय्द्वः स्वयां अप्वः दां खर्च याःगु खः ।

¥यांक अप्वयेकेत मचां थः स्वयां अप्वः ¥यांक दुगु गेम न्याना काःगु खः । उम्ह मचां न्हापा १५ हजार तकां गेम न्याना काःगु खःसा वयां लिपा १७ हजार तक वंगु गेम न्याःगु खः । थुकथं मचां निरन्तर रुपं ¥यांक न्यायेत थःगु खुत्रुकेय् च्वंगु ध्यबा फुकूगु खः । मचायाके च्वंगु ध्यबा फूगु सीकाः अभिभावकपिंसं न्यनेकने याःबलय् तिनि वं अथे पब्जी न्याना काःगु खँ पिहां वःगु खः । दकलय् लिपा उम्ह मचां २१ हजार तकां गेम न्याःगु खःसा लिपा मचाया मांम्ह गेम मिउम्ह पाखें उगु ध्यबा लित काःगु खः ।

विशेषतः मस्तय्सं गेम न्यायेगु नितिं ई सेवा छ्यलेगु यानाच्वंगु दु । ई सेवाय् मस्तय्सं द्वःछि स्वयां अप्वः कारोबार याये मदइगु नियम दुगु जुयाः मस्तय्सं मां अबुया नागरिकता तयाः कारोवार यानाच्वंगु नं सीदुगु दु । ई सेवां ध्यबा कालबिल यायेगु नितिं मस्तय्सं मां अबुया नामं हे केवाइसी समेत भरे यानाच्वंगु खँ नं सीदुगु दु ।