अगिंमथय् राजेन्द्र महर्जन अध्यक्षय् निर्वाचित

येँ – खुसिबुँइ च्वंगु अगिंमथः बचत तथा ऋण सहकारी संस्थाया झिक्वःगु दँमुँया संस्थाया अध्यक्ष राजेन्द्र महर्जनया सभापतित्वय् जुल ।
संस्थाया प्रगति विवरण अध्यक्ष महर्जन, लेखा समितिया प्रतिवेदन कोषाध्यक्ष रमेश महर्जन, भावी कार्ययोजना संस्थाया प्रबन्धक सानुकाजी महर्जनं न्ह्यब्वयादीगु खःसा संस्थाया अध्यक्ष महर्जनं न्हूपिं सेयर दुजःपिंत दसिपौ बियाः लसकुस यानादीगु खः ।

उगु हे ज्याझ्वलय् मेगु प्यदँया निंतिं संस्थाया न्हूगु ज्यासना पुचः नं ल्यज्या याःगु खः । रत्नकाजी महर्जनया संयोजकत्वय् दुर्गा महर्जन व तारा महर्जन दुजः दुगु निर्वाचन कमिटीं न्हूगु ज्यासना पुचः ल्यःगु खः । न्हूगु ज्यासना पुचः सर्वसम्मतं ल्यःगु खः । गुकी सहकारी नियमकथं ३३ प्रतिशत मिसापिंत नं दुथ्याकागु संयोजक महर्जनं जानकारी बियादीगु दु ।

महर्जनया अध्यक्षताय्न्हूगु ज्यासना पुचलय् मिना प्रजापति उपाध्यक्ष, धनभाजु मुनिकार छ्याञ्जे व रमेश महर्जन कोषाध्यक्ष पदय् निर्वाचित जुयादीगु खःसा दुजलय् बाबुराजा महर्जन, रमिता महर्जन व श्याम महर्जनपिं निर्वाचित जुयादीगु खः ।