
येँ – एसियाली विकास बैंक (एडीबी) या अनुदान ग्वाहालिं न्याःगु बसय् सरकारं झिंन्हय्गू गम्भीर त्रुटी लुइकूगु दु । सम्झौता कथं कम्पनीं चीनय् दयेकूगु स्तरीय बस हयेमाःगु खः, तर बसय् त्रुटी लुइकूगु खः । बसय् छ्यःगु गुलिखे सामान भारतीय कम्पनीया लुइवं सरकारं उकियात लित छ्वयेगु निर्णय याःगु खँ सीदुगु दु ।
२० सिट क्षमताया न्यागः बसया परीक्षण याःगु इलय् थीथी प्राविधिक त्रुटी लुइकूगु खः । निगू करोड तका पुलाः न्याःगु बस टेन्डर व सम्झौताया स्पेसिफिकेसन कथं मवःगु ठहर सरकारं याःगु दु । नेपालय् छ्वया हःगु बस परीक्षण निंतिं जक उत्पादन जूगु ठहर नं मन्त्रालयया अध्ययन समितिं लुइकूगु खः । ‘के–६ विद्युतीय बस’ साइमेक्सं नेपाः हःगु खः । तर ‘सी–६’ बस हयेगु सम्झौता जूगु खः ।
बसया तौल नं सम्झौता कथं मजूगु लुइकूगु दु । ७४६७ केजी दयेमाःगु बस व स्वयां म्हो जक तौल दूगु खँ धाःगु दु । लिसें बसया उत्पादन मिति मदुगु, बसया मत, सिट बेल्ट, स्वीच बोर्डया गुणस्तर कमजोर जूगु खँ धाःगु दु । अथेहे सिटया फेब्रिकेशन कमजोर दुसा अपांगयात गाडी दुत छ्वयेत तयातःगु लिफ्ट नं कमजोर गुणस्तरया जूगु खँ धाःगु दु ।
LEAVE YOUR COMMENTS