२०१ गू सम्पदा दयेके सिधल

येँ – भुखाचं क्षति जूगु २०१ गू पुरातात्विक लिसें सांस्कृतिक सम्पदा पुनर्निर्माण ज्या क्वचाःगु खँ राष्ट्रिय पुनर्निर्माण प्राधिकरणं धाःगु दु । भुखाचं अति प्रभावित १४ जिल्लाय् ७५३ गू सम्पदा क्षति जूगु खः । आः तक ३०१ गू सम्पदा पुनर्निर्माणया ज्या जुयाच्वंगु खँ प्राधिकरणया कार्यकारी अधिकृत सुशील ज्ञवालीं कनादिल । मेगु २४३ गू सम्पदाया ज्या शुरु मजूनि ।

लानिपुखू व बालगोपालेश्वर देगःया ज्या अझं शुरु मजूनि । आः तक २७ प्रतिशत सम्पदा पुनर्निर्माण क्वचायेधुंकूगु दुसा चालु आर्थिक दँय् ५० प्रतिशत ज्या क्वचायेकेगु व आकिवं तक ७५ प्रतिशत सम्पदा दयेकेगु आज्जु प्राधिकरणं तयातःगु दु ।

आर्थिक दँ २०७७÷७८ या न्हापांगु प्यलाय् भुखाचं क्षति जूगु फुक्कं सम्पदा पुनर्निर्माण क्वचायेगु आज्जु प्राधिकरणया दु । भुखाचं क्षति जूगु गुम्बा धाःसा आः तक नं पुनर्निर्माण मजूनिगु खँ धाःगु दु । भुखाचं ८९५ गुम्बा क्षति जूगु खः ।

सम्बन्धित बुखँ

LEAVE YOUR COMMENTS