नेवाः गुथि डेनमार्कया साधारणसभा

येँ – युरोपेली राष्ट्र डेनमार्कय् च्वनाच्वंपिं नेवाःतय् संगठन नेवाः गुथि डेनमार्कया वार्षिक साधारणसभा जुल । गुथिया उगु वार्षिक साधारणसभां न्हूगु ज्यासना पुचःया नं ल्यज्या याःगु खः । वंगु अक्टोबर ६ तारिखकुन्हु राजधानी कोपेनहेगनया कोन्टनपरकेन धइगु थासय् जूगु साधारणसभां गुथिया न्हूम्ह नायःकथं रामबहादुर महर्जनयात ल्यःगु दु ।

मुक्कं नीन्हय्म्हेसिया ज्यासना पुचलय् शशि श्रेष्ठ न्वकु, श्रीया महर्जन छ्याञ्जे व रबी श्रेष्ठ कोषाध्यक्षय् च्वनादीगु दुसा दुजलय् राजमान महर्जन, गौरव महर्जन, बादल महर्जन, सिन्तिया सेन ताम्राकार श्रेष्ठ, मिलन टी. श्रेष्ठ (पर्बेते माइलो), मनोज श्रेष्ठ, बिकु महर्जन, रामबाबु महर्जन, समिर रंजितकार, रमेशकुमार श्रेष्ठ, उजोल महर्जन, लुइस महर्जन, रुपेस रंजित, रजत महर्जन, उज्जल महर्जन, पुरुषोत्तम श्रेष्ठ, राजेश रंजित, प्रकाश श्रेष्ठ, अर्जुन श्रेष्ठ, सुजा श्रेष्ठ, अनिश महर्जन व सुदीपमान श्रेष्ठ च्वनादीगु दु ।

गुथिया स्थापनां डेनमार्क व नेपाःलिसें विश्वया मेमेगु देशय् नं नेवाः कला, संस्कृति, परम्परा, भाषा, साहित्यया संरक्षण व प्रवद्र्धन यायेत ग्वाहालि जुइगु विश्वास गुथिं प्वंकूगु दु । थ्व हे झ्वलय् गुथिं नेपाल संवत् ११४० न्हूदँ क्यनीकुन्हु मंकाः म्हपुजा याइगु जूगु दु । उकुन्हु मंकाः म्हपुजालिसें नेवाः भ्वय्नापं सांगीतिक ज्याझ्वःया प्रस्तुति व थीथी कासा नं याइगु जूगु दु ।

 

सम्बन्धित बुखँ

LEAVE YOUR COMMENTS