घाः शीर्षकय् बाखं च्वज्या

येँ – ईलोहं प्रकाशनया ग्वसालय् नेपालभाषाया नांजाःम्ह आख्यानकार मथुरा साय्मिया परिकल्पनाय् ‘घाः’ शीर्षकय् चिबाखं च्वयादीपिंत सिरपाः लःल्हायेगु
ज्या जुल । वंगु शनिवाः थनया प्रज्ञा भवनय् जूगु ज्याझ्वः नरेशवीर शाक्यया सभापतित्वय् जूगु खःसा पेजथ्री बाःछि पौया सम्पादक दर्शनवीर शाक्यं लसकुस यानादीगु खः । आख्यानकारी साय्मिं घाः शीर्षकय् बाखं च्वयेत इनाप यानादीकथं ख्वीखुम्ह च्वमिपिंसं बाखं च्वयादीगु खः ।

बाखं च्वयादीपिंमध्ये ईश्वरीमैयाँ श्रेष्ठ व राजुराम मुनंकःमियात दकलय् बांलाःगु बाखंकथं सिरपाः लःल्हाःगु खःसा विमलप्रभा वज्राचार्य व ज्ञानीराजा मानन्धरयात हःपाः सिरपाः बिउगु खः । अथे हे उगु हे ज्याझ्वलय नःलि साहित्यिक निला पौया ‘घाः’ बाखंया विशेष ल्याःया नं पितब्वज्या जूगु खः । उगु विशेष ल्याःया पितब्वज्या घाः बाखंया परिकल्पनाकार साय्मि, ज्याझ्वःया सभापति व बाखं च्वमि डा. रिना तुलाधरं मंकाःकथं यानादीगु खः ।