थिमिइ जिम्न्याष्टिक कासा जुइगु

थिमि – मध्यपुर थिमिइ वइगु पुस १४ गते सनिवाः विश्वय् नांजाःपिं, गिनीजबूक वल्र्ड रेकर्डय् नां दुतिने धुंकूपिं कासामितय्सं थःपिनि कासा ब्वज्या याइगु जूगु दु । थिमिइ ओस्ला नेपालं ग्वसाः ग्वःगु पत्रकार सम्मेलनय् राष्ट्रिय जिम्न्यास्टिक कासामि विजेन्द्र श्रेष्ठं उगु खँया जानकारी बियादीगु खः ।

मध्यपुरया थीथी स्कुलया विद्यार्थीतय् दथुइ जुइगु जिम्न्यास्टिक कासाया दथुइ गिनिजबुक अफ वल्र्ड रेकर्डय् नां तये धुंकूपिं कासामितय्सं थःपिनि जिम्नाष्टक न्ह्यब्वयेत्यंगु खः । मध्यपुर थिमि नगरपालिकाया ग्वाहालिं न्हापांगु ख्वप जिल्लाव्यापी विद्यालय स्तरीय मेयर कप जिम्न्याष्टिक कासा २०७५ यायेत्यंगु खः ।

निगू पुखू परिसरय् जुइगु उगु कासाय् नीगू स्कुलया चय्म्ह ल्याय्म्ह कासामिं ब्वति काइगु ग्वासाः खलकं धाःगु दु । ग्वसाखलः ओस्ला नेपालं बिउगु जानकारी कथं प्यंगू लाख तका खर्च यानाः यायेत्यंगु उगु कासाया लागिं सिरपा जक पीद्वः तका बराबरया तयातःगु दु । उकि नोविज ब्वाइज व ब्वाइजपाखें न्याम्ह व नोविज गल्र्स व गल्र्सपाखें न्याम्ह यानाः झिम्ह कासामितय्त न्याद्व, स्वद्व व निद्वःया ल्याखं सिरपा बीगु जूगु दु ।

पत्रकार सम्मेलनया मूपाहां मध्यपुर थिमि नगरपालिकाया मेयर मदन सुन्दर श्रेष्ठं ९२ करोडया बजेट व्यवस्था यानाः हनुमन्ते जग्गा एकीकरण अभियान न्ह्यानाच्वंगु जानकारी बियादिल । ज्याझ्वलय् संस्थाया अध्यक्ष राजेश श्रेष्ठ, उपाध्यक्ष सुशिल जोशीलगायतं कासा विषयय् थीथी न्ह्यसःया लिसः बियादीगु खः ।