भ्रमण वर्ष कार्यान्वयन उपसमिति पूर्ण

येँ –  सरकारं नेपाल भ्रमण वर्ष २०२० कार्यक्रम कार्यान्वयन उपसमितियात पूर्णता बिउगु दु । सरकारं वंगु कात्तिक १६ गते कार्यक्रम कार्यान्वयनया उपाध्यक्ष व राष्ट्रिय कार्यक्रम संयोजक कथं उद्योगपति सुरज वैद्ययात नियुक्त याःगु खःसा आः थ्व समितियात पूर्णता बिउगु खः ।

उपसमितिइ संस्कृति पर्यटन तथा नागरिक उड्डयन मन्त्री अध्यक्ष जुइसा उपाध्यक्ष राष्ट्रिय संयोजक जुइ । १९ म्ह दुजः दुगु समितिया दुजलय् पर्यटन बोर्डया प्रमुख कार्यकारी अधिकृत, मन्त्रालयया पर्यटन महाशाखाया सहसचिव, अर्थ मन्त्रालयया सहसचिव, लुम्बिनी विकास कोषया उपाध्यक्ष व नेपाल नागरिक उड्डयन प्राधिकरणया दुजः सदस्य जुइ ।

अथेहे मेपिं सदस्यय् अनिल चित्रकार, सिर्जना राणा, अवधेश त्रिपाठी, विप्लव पौडेल, रञ्जित आचार्य, नवराज दाहाल, चारु चङ्गा, डा. वासुदेव कोइराला, दाबा स्टेफन शेर्पा, प्रशान्त सिंह, विजयबहादुर श्रेष्ठ, कृष्णहरि खत्री व सदस्यसचिवय् पर्यटन बोर्डया वरिष्ठ निदर्’शक नन्दिनी लाहे थापायात दुथ्याकूगु दु ।सरकारं सन् २०२० य् २० लाख पर्यटक नेपाः दुत हयेगु लक्ष्य तयातःगु दु । थुकियात हे कार्यान्वयन यायेत उपसमिति दयेकूगु खः ।

सम्बन्धित बुखँ

LEAVE YOUR COMMENTS