
येँ – सक्वय् पर्यटकीय विकासया सम्भावना अप्वया वनाच्वंगु दु । धार्मिक, ऐतिहासिक लिसें सांस्कृतिक नगर सक्वय् पर्यटकीय होटेल चायेकेगु ज्या अप्वया वंगुया लिसें प्याराग्लाइडिङ याइपिं पर्यटकपिं अप्वःया वंगु खँ सीदुगु दु । शालिनद, सक्व? मणिचुड, बज्रयोगिनी, इन्द्रायणी सलम्बुदेवी, विश्वम्भरा नारायण थेंज्याःगु धार्मिक क्षेत्रया कारणं धार्मिक पर्यटन अप्वया वनाच्वंगु दु ।
येँ नं १८ किलोमिटर तापागु सक्वय् लँ दयेकेगु ज्या क्वचाल धाःसा अझ अप्वः पर्यटक वइगु खँ स्थानीय वासिन्दां धाःगु दु । सक्वयात पर्यटकीय रुपं विस्तार यायेगु निंतिं सक्व नगरपालिकां बजेट विनियोजन यानातःगु दु । सक्वयात पर्यटक लक्षित यानाः पुलांगु परम्परागत छेँ दयेकेत नगरपालिकां स्थानीय वासिन्दायात माःगु सल्लाह लिसें आर्थिक ग्वाहालि नं यानाच्वंगु दु ।
पुलां पहया छेँय् दयेकेत नगरपालिका १ लाख तका ध्यबा बीगु यानाच्वंगु दु । सक्व नगरपालिकां स्वयम्भू, बौद्ध, मणिचुड, बज्रयोगिनी व काभ्रेया नमोबुद्ध तक बौद्ध परिपथया रुपय् विकास यायेगु योजना दयेकाच्वंगु दु । सक्वय् पर्यटक सम्भावनायात ध्यानय् तयाः सुइच्यागू होटल बने जुइधुंकूगु दुसा थप होटेल दयेकेगु ज्या न्ह्यानाच्वंगु दु ।
LEAVE YOUR COMMENTS