कदर बचतया १४ क्वःगु दँमुँज्या
येँ (नेपालभाषा टाइम्स)÷ थुगु दँया एसईई परीक्षाय् पास जूपिं थःगु संस्थाया दुजःपिनि १७ म्ह मस्तय् विशेष सम्मान यासें येँमपा २३ वडा ओमबहालय् च्वंगु कदर बचत तथा ऋण सहकारी संस्थां थःपिनि भिंmप्यक्वःगु दँमुँज्या वंगु शनिवाः हन ।
संस्थाया अध्यक्ष बिरेन्द्रमान शाक्याया सभापति न्ह्याःगु सभाय् कोषाध्यक्ष होमबहादुर श्रेष्ठं आर्थिक प्रतिवेदन, लेखा सुपरिवेक्षण समितिया संयोजक अर्जुन महर्जनं लेखा सुपरिवेक्षण समितिया वार्षिक प्रतिवेदन न्ह्याब्वयादिल ।
ज्याझ्वलय् दुजःपिंसं थौंकन्हय् आपाः धयाथें सहकारी संस्थाय् वयाच्वंगु गम्भीर आर्थिक संकटया इलय् संस्थाया आर्थिक कारोबार लिसें भावी योजनयात कयाः न्यंगु थीथी न्ह्यसःया लिसः संस्थाया प्रबन्धक बलराम डंगोलं बीगु ज्या जूगु खःसा संस्थाया अध्यक्ष बिरेन्द्रमान शाक्यं संस्थाया वार्षिक प्रतिवेन व भावि योजन न्ह्यब्वयादीगु खः । मुक्कं ८१७ म्ह दुजः दुगु थुगु संस्थां थःपिनि दुजःपिंत थुगु दँया लाभांश ८.५ प्रतिशत इनाबिउगु खः ।
LEAVE YOUR COMMENTS