भूगोलपार्कय् आइतवाः पतिकं हिदान

येँ – देव कर्नर सेवा समितिं पुस १ गते आइतवाः निसें हरेक आइतवाः येँया भूगोलपार्क न्हूसतकय् हिदान ज्याझ्वः सुरु याःगु दु । हरेक आइतवाः सुथय् ११ बजे निसें ४ बजे तक हिदान जुइ ।

समितिया नायः देवसुन्दर शाक्यं ब्लड बैंकय् हिया अभाव जुयाच्वनीगुलिं हि संकलन यायेत थुगु ज्याझ्वः यानागु खँ धयादिसें हिदातातय्त थःपिनिगु अभियानय् साथ बियाः हिदान यानादीत इनाप यानादीगु दु ।

समितिं थ्वयां न्ह्यव वि.सं. २०६३ सालं निसें खुला खुलाय् हिदान याना वयाच्वंगु खःसा आवनिसें वालय् छक्वः याइगु जूगु दु । थुकिया लिसें समितिं निःशुल्क वृद्धाश्रम, निःशुल्क शवबाहन संचालनया लिसें प्राकृतिक विपत्तिइ राहत वितरण यायेगु ज्या याना वयाच्वंगु दु ।

सम्बन्धित बुखँ

LEAVE YOUR COMMENTS