विश्व नेवाः सम्मेलनय् चिनाखँ मुँज्या

येँ(नेपालभाषा टाइम्स)-अमेरिकाया न्यूयोर्कय् जूगु हलिं नेवाः दबूया प्यक्वःगु सम्मेलनया झ्वलय् नेपालभाषा चिनाखँ मुँज्या जूगु दु् । चिनाखँ मुँज्याय् अमेरिकाया थीथी सहरय् च्वंपिं नापं नेपालं वंपिं साहित्यकारतय्सं थःथःगु चिनाखँ न्यंकादीगु खः ।

दबूया वरिष्ठ न्वकु डा. नारायण राजभण्डारीया सभापतित्वय् न्ह्याःगु ज्याझ्वलय् मुक्कं गुम्हेसिनं थःथःगु चिनाखँ वाचन यानादीगु खः ।

ज्याझ्वलय् अमेरिकाया थीथी सहरय् च्वनादीपिं प्रविण ताम्राकार, निर्मला राजभण्डारी, सिर्जना तुलाधर, रितादेवी प्रधान, डा. सुशिलबहादुर ताम्राकार, केशरमान ताम्राकारलिसें नेपाःपाखें झायादीपिं विमलप्रभा वज्राचार्य व अञ्जना ताम्राकारं चिनाखँ न्यंकादीगु खः ।

उगु ज्याझ्वः दबूया वरिष्ठ न्वकुलिसें भाषा, साहित्य कवःया कजि साहित्यकार केशरमान ताम्राकारं न्ह्याकादीगु खः ।

सम्बन्धित बुखँ

LEAVE YOUR COMMENTS