न्हूगु शैक्षिकसत्र न्हूगु पाठ््यक्रम

संघीय संरचना व समृद्ध नेपालया परिकल्पना अनुकूल विद्यालय शिक्षाया न्हूगु पाठ्यक्रमया प्रारुप वइगु शैक्षिकसत्रनिसें नमूना परीक्षणया रुपय् लागू जुइगु जूगु दु । समाजवाद उन्मुख सामाजिक न्यायय आधारित समृद्ध राष्ट्र निर्माणया निंतिं सक्षम नागरिक विकासया दूरदृष्टिसहित पाठ््यघन्टा (क्रेडिट आवर) सहितया न्हूगु पाठ््यक्रमया प्रारुप कार्यान्वयन यायेत पाठ््यक्रम विकास केन्द्रं तयारी न्ह्याकूगु खः ।

व्यावसायिक शिक्षाया धारयात प्राथमिकता बियातःगु उगु प्रारुप शिक्षा, विज्ञान व प्रविधि मन्त्री गिरीराजमणि पोखरेलया अध्यक्षताय् दुगु राष्ट्रियपाठ््यक्रम विकास तथा मूल्यांकन परिषदं पारित जूगु खः । केन्द्रया महानिर्देशक डा. लेखनाथ पौडेलं न्हूगु प्रारुपकथं पाठ््यक्रम तयार यायेत विज्ञया धलः (रोष्टर) तयार यायेत आह्वान यानागु व वइगु शैक्षिकसत्रनिसें छगू तगिंनिसें परीक्षण जुइगु जानकारी बियादिल ।

पाठ््यक्रम विकास केन्द्रं परीक्षामुखी गाइड व गेसपेपर थेंज्याःगु सामग्रीया प्रयोगयात निरुत्साहित यायेत पहल न्ह्याकाच्वंगु दु । केन्द्रं विद्यालयय् थप पाठ््यसामग्रीया मूल्यांकन व स्वीकृतिया निंतिं माग याःगु सूचनाय् अज्याःगु सामग्रीयात मूल्यांकन मयाइगु जूगु दु ।

पाठ््यक्रमया परीक्षण यायेधुंकाः उकिया लिधंसाय् पाठ््यसपूm तयार यानाः कार्यान्वयन याइ । वय्कःया कथं मेमेगु तगिंया पाठ््यक्रम छसिकथं वइगु शैक्षिकसत्रनिसें लागू जुइ । हरेक बैशाखया न्हापांगु वालय् देय्न्यंकं न्हूगु शैक्षिकसत्र लागू जुइ ।नेपाःया संविधानकथं विद्यालय शिक्षाया व्यवस्थापनया अधिकार स्थानीय तहय् बिउसां नंपाठ्््यक्रम व परीक्षा केन्द्र सरकारया हे मातहतय् तयातःगु दु ।

मन्त्रालयं वि.सं. २०६३ लय् लागू याःगु उगु विद्यालय शिक्षाया प्रारुप थ्व स्वयां न्ह्यः २०७१ सालय् हिउगु खः । न्हूगु प्रारुपया व्यवस्थां तगिं ११ व १२ यात एकल पथीय दयेकाः तगिं ९ व १० य् अनिवार्य व निगू पेशा व्यावसायिक ऐच्छिक विषय दइगु प्रबन्ध याःगु दु । तगिं ११ व १२ य् खस नेपाली, अंग्रेजी, सामाजिक अध्ययन व जीवनोपयोगी शिक्षा यानाः प्यंगू विषय अनिवार्य याइगु धयादिल ।

उगु तहय् मुक्कं ९६० घौ दछिया कार्यघन्टा जुइ । प्रारुपं छगू क्रेडिट आवरय् ३२ घन्टा माने याःगु दु । गणित विषय नं ऐच्छिकय् दइ । न्हूगु प्रारुपं संविधानया मौलिक हक, संघीय, प्रदेश व स्थानीय तहया संरचना, आर्थिक सामाजिक रुपान्तरणया सवाल, विद्यालय क्षेत्र विकास कार्यक्रम, देय्या दीर्घकालीन विकासय् शिक्षाया योगदानया पक्षय् ध्यान बियागु मन्त्रालयं न्ह्यथंगु दु ।

शिक्षाय् विश्वव्यापीकरणया प्रभावयात प्रारुपं आत्मसात याःगु न्ह्यथँसें नेपाली कला, संस्कृति व मौलिक पहिचानमूलक विषयवस्तुया पठनपाठन खस् भाय् व दक्वं राष्ट्र भाषां जक जुइमाःगु नं व्यवस्था यानातःगु दु । न्हूगु प्रारुपकथं आः विद्यार्थीया मूल्यांकन (परीक्षा प्रणालीइ) समसामयिक परिमार्जन जुइ ।

थ्व हे झ्वलय् पाठ््यक्रम विकास केन्द्रं परीक्षामुखी गाइड व गेसपेपर थेंज्याःगु सामग्रीया प्रयोगयात निरुत्साहित यायेत पहल न्ह्याकाच्वंगु दु । केन्द्रं विद्यालयय् थप पाठ््यसामग्रीया मूल्यांकन व स्वीकृतिया निंतिं माग याःगु सूचनाय् अज्याःगु सामग्रीयात मूल्यांकन मयाइगु जूगु दु ।

महानिर्देशक डा. पौडेलं धयादिल, ‘विद्यार्थीया खल्तीइ गेसपेपर दइगु तर वं मूल पाठ््यसामग्री अध्ययन हे मयासे सम्बन्धित कक्षा पार यायेगु प्रवृत्तिं गुणस्तरीय शिक्षाय् पंगः जुयाच्वंगुलिं जिमिसं उकियात प्रोत्साहित यायेगु जुइमखु ।’

निजी (संस्थागत) विद्यालयं स्वीकृत मयाकूगु थप पाठ््यसामग्रीयात थःयसे प्रयोग याइगु खने दत धाःसा उकियात कयाः नं कारवाही यायेगु केन्द्रं न्ह्यथंगु दु ।