विहीवाःनिसें प्यन्हु तक जोर बिजोर गाडी

येँ – थ्वहे वइगु मंसिर १४ निसें १७ गते तक येँय् जुइगु एशिया प्यासिफिक सम्मेलनयात ध्यानय् तयाः ट्राफिक प्रहरीं विहीवाःनिसें येँय् जोर बिजोर सवारी साधन चले याकीगु जूगु दु । मंसिर १३ गतेनिसें लागू जुइगु थ्व प्रणाली मंसिर १६ गते तक कायम जुइ ।

जोर गते कुन्हु जोर नम्बर व बिजोर गते कुन्हु बिजोर हे नम्बर सवारी चले यायेत ट्राफिक प्रहरीं इनाप याःगु दु । अत्यावश्यक सेवा व शैक्षिक संस्थाया गाडीइ धाःसा थ्व नियम लागू जुइ मखु । थ्वहे सम्मेलनय् ब्वति कायेत म्यान्मारया नेता आङ साङ सू–की नं नेपाः झाइगु ग्वसाः दु । वय्कः छन्हु थन च्वनाः लिहां झाइगु खँ सीदुगु दु ।