ने. सं. ११४६ अनलाथ्व नवमी -

थौं व कन्हय् थरुहट बन्द

येँ – टिकापुर घटनायात कयाः थौं व कन्हय् थरुहट बन्द याःगु दु । थारुवान थरुहट संघर्ष समितिं थरुहट बन्द घोषणा याःगु खः । वंगु फागुन १ गतेनिसें चरणबद्ध आन्दोलन याना वयाच्वंगु संघर्ष समितिं निन्हुयंकं बन्दया घोषणा याःगु खँ थारु नेता लक्ष्मण चौधरीं ‘नेपालभाषा टाइम्स’ यात कनादिल । टिकापुर घटनाया बारे छानविन यायेत नीस्वंगु देवीराम घिमिरे व लाल आयोगया प्रतिवेदन सार्वजनिक यायेमाःगु, झुट्टा मुद्दा तयातःपिं थारु नेतात लिसें सांसद रेशम चौधरीयात त्वःतेमाःगु, संविधान संशोधन यायेमाःगु माग यासें थरुहट बन्दया घोषणा याःगु खः ।