ट्रम्पयात वया हे वैज्ञानिकतय् ख्याच्वः

अप्वया वनाच्वंगु तापक्रम

जलवायु परिवर्तनया लिच्वःया कारणं अमेरिकां अर्बौं डलर बराबरया नोक्सानी फयेमालीगु व जनस्वास्थ्यय् नं तच्वःगु क्षति फयेमालीगु न्हूगु रिपोर्ट पिहां वःगु दु । उगु रिपोर्टय् आःया निर्णयं भविष्यया स्वरुप च्वइगु धासें सजग जुइत नं सुझाव बियातःगु दु । वाशिंगटनय् थ्व वालय् तसकं ख्वाउँ अप्वया वयेवं राष्ट्रपति ट्रम्पं विश्वव्यापी तापक्रम वृद्धिया चर्चा छु जुल धकाः व्यंग्यपूर्ण ट्विट याःगु खः ।

राष्ट्रपति ट्रम्पया थ्व व्यंग्यपूर्ण न्ह्यसःयात वया हे वैज्ञानिकतय्सं वयागु नां उल्लेख मयासे लिसः बिउगु खँ विज्ञतय्सं धाःगु दु । रिपोर्टय् विश्वव्यापी तापक्रम अप्वया अमेरिकाया छगुलिंयात हे ज्वनेधुंकूगु दु । थ्व अवस्था आः हे तसकं घातक जूगु व तुरुन्त आवश्यक पलाः मल्ह्वन धाःसा थुकिं विनाश जक न्यंकी धयातःगु दु ।

अमेरिकाया प्यक्वःगु राष्ट्रिय जलवायु समीक्षा रिपोर्ट उमिसं ठोस उदाहरण नं न्ह्यब्वःगु दु । गथेकि साउथ क्यारोलाइनाया जायाच्वंगु बाँध, ग्रेट प्लेन क्षेत्रय् लःया संकटया कारणं सुना वनाच्वंगु खेतीपाती व फ्लोरिडाय् न्यना वनाच्वंगु किटाणु न्यंकीगु ल्वय् । थ्व रिपोर्टय् गम्भीर आर्थिक लिच्वः लाकीगु खँ नं न्ह्यथनातःगु खँ धाःगु दु ।

सम्बन्धित बुखँ

LEAVE YOUR COMMENTS