व्यावसायिक मोडलतय् फेसन शो जुइगु

येँ(नेपालभाषा टाइम्स)÷ नेपाःया व्यावसायिक मोडलतय् न्हापांगु छगू तःजिगु फेसन शो जुइगु जूगु दु । नेपाःया इभेन्ट म्यानेजमेन्टय् अग्रणी संस्था मध्ये छगू रेडियन्ट इभेन्ट म्यानेजमेन्ट एजेन्सीया ग्वसालय् फेसन युनाइट्सया नामं उगु फेसन शो जुइत्यंगु खः ।
एस म्याम बुटिकया संयोजनय् नेपाःया व्यावसायिक मोडलतय् न्हापांगु फेसन शोलय् मुक्कं नीप्यम्ह व्यावसायिक नेपाली मोडलतसं ब्वति काइगु ग्वसाः खलकं जानकारी बिउगु दु । मोडलतय् दथुइ तसकं प्रतिस्पर्धा जुइगु विश्वास यानातःगु फेसन शोलय् ब्राइडल लेहेंगा, गाउन फ्युजन, वेस्टर्न वेयर, इम्ब्राइडरी, पद्मावति, समर पार्टी वेयर, क्याजुअल लगायतया आकर्षक डिजाइनया वसतय् मोडलतय्सं क्याटवाक याइगु जूगु दु ।
नेपाःया नांजाःम्ह कोरियोग्राफर नापं मोडल राज पैंmजुं कोरियोग्राफी यानादीगु फेसन शोया निंतिं श्रीषा बैदार फैंजु, एनी तण्डुकार, समन प्रजापति, उपासना सराफ, सुमी श्रेष्ठ व अमितेष कर्णपिंसं ड्रेस डिजाइन यानादीगु दु ।
उगु ज्याझ्वः थ्व हे वइगु चैत २३ गतेकुन्हु त्रिपुरेश्वरय् च्वंगु ब्लू स्टार होटलय् जुइ ।

नेपालभाषा टाइम्स

च्वमिया मेमेगु

• नेवाः प्रतिष्ठान गठन यायेत माग
• केएनकेया ग्राजुएन ज्याझ्वः
• सक्व सांस्कृतिक संरक्षित क्षेत्र प्रस्तावित ऐन लःल्हात
• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल