न्हूदँया लसताय् द्वाल्खा स्याउदाइ साँझ

यल – नेपाल संवत् ११३९ न्हूदँ क्यनीगु लसताय् येँय् च्वनाच्वंपिं द्वाल्खाया नेवाःतय्सं छगू सांस्कृतिक ज्याझ्वः याइगु जूगु दु । कालिञ्चोक युवा क्लबया ग्वसालय् थ्व हे वइगु कात्तिक १६ गते ‘द्वाल्खा स्याउदाइ साँझ’या नामं उगु ज्याझ्वः यायेत्यंगु खः । ‘भाषा कला संस्कृति झीगु पहिचान, समुन्नत दोलखा झीगु अभियान’ धइगु नारा बियाः जुइत्यंगु उगु ज्याझ्वः थनया पूच्वय् च्वंगु नारायणी कम्प्लेक्सय् जुइ ।

ज्याझ्वलय् मुख्य आकर्षणकथं नेवाः लाइभ कन्सर्ट नापं सांस्कृतिक ज्याझ्वःलिसें द्वाल्खाया समय्बजि, भाग्यमानी सिडी विमोचनलिसें द्वाल्खा, तौथल, लिस्ति, दुति, जेठलया सांस्कृतिक ज्याझ्वः न्ह्यब्वइगु जूगु दु । ज्याझ्वःयात द्वाल्खा गुथि, लायन्स क्लब अफ दोलखा, द्वाल्खा म्यासमुचा लगायतया संगठनं ग्वाहालि याइगु ज्याझ्वःया संयोजक त्रिलोचन प्रधानं जानकारी बियादीगु दु ।