स्मार्ट लाइसेन्स छपाई जिम्मा निजीयात

येँ – यातायात व्यवस्था विभागं स्मार्ट लाइसेन्स छापे यायेगु जिम्मा निजी कम्पनी मालिका इन्कर्पोरेट लिमिटेडयात बिउगु खः । लिमिटेडं लत्याया दुने ६ लाख लाइसेन्स छापे यायेगु सम्झौता याःगु खः । थ्व लाइसेन्स छपाःया झिंन्यातका तू । कार्ड विभागया मीनभवनय् दुगु ज्याकुथी हे छापे याइ ।

दछि न्ह्यवंनिसें स्मार्ट लाइसेन्स कायेत पियाच्वंपिंत याकनं लाइसेन्स बीगु निंतिं निजी कम्पनीयात छपाई जिम्मा बीमाःगु खँ विभागं धाःगु दु । फुक्कं परीक्षा बीधुंकाः नं लाइसेन्स कायेगु धलखय् लानाच्वंपिंत न्हापां प्राथमिकता बीगु खँ विभागं धाःगु दु । थ्व धुंकाः विभाग थम्हं हे लाइसेन्स छापे यायेगु तयारी यानाच्वंगु दु ।